Vawiin chawhnu khan District Legal Services Authority, Lunglei District buatsaihin Excise & Narcotics Conference Hall, Lungleiah The Mizoram Victims of Crime Compensation (Amendment) Scheme, 2016 hnuaiah vanduaina leh tawhsual tawk mi 11 chhungte hnenah Victim of Crime Compensation cheng Nuai sawmruk pahnih leh singnga (Rs. 62.50 lakhs) sem chhuah a ni. 

He hun hi Pi Julie Lalrinzami, CJM leh Secretary DLSA, Lunglei District ni bawkin kaihruaiin vanduaina leh tawhsual tawk te hnena zangnadawmna pek chhuahna scheme mumal tak The Mizoram Victims of Crime Compensation (Amendment) Scheme, 2016 chu sawrkarin uluk taka a duang anih thu a sawi a.  DLSA committee chuan vanduaina leh tawhsual tawk te chu ngun taka an dinhmun ngaihtuah hnuah State Legal Services Authority ah tanpuina a dil sak thin thu Pi Julie Lalrinzami chuan a sawi. Tanpuina dawngtute hi an harsatna tawh dan leh chhungkaw dinhmun a zirin pawisa dawn a in ang lo a ni, a ti bawk. Dan leh hrai chungchangah mipuiten awareness an neih chhoh zel a tul a ni tiin Lunglei CJM chuan hemi chungchanga an hriat chian duh apiang inthlahrung hauh lova DLSA a zawt thin turin mipuite a sawm.

He hun ah hian sawmbik DC, SP, SSA, I&PR, YMA,MHIP, bakah vanduaina tawk te aiawh an tel a ni. District Legal Services Authority, Lunglei District hian kum 2017 ah mi 9, kum 2018 ah mi 4 te hnenah zangnadawmna anlo sem tawh bawk a ni.