No.7548/2020-2021
Mizoram sawrkar Local Administration Department lehkha No.F.20016/68/2007-DTE (LAD) VC dt.22.01.2021 thuchhuah bawhzuina leh kangmei laka Khawzawl District mipuite, in leh bungrua, ramngaw leh nungchate an him tlan theihna turin Pu Zothanmawia, District Magistrate, Khawzawl District chuan Sec. 144 CrPC, 1973 (2 of 1974) in thuneihna a pek angin a hnuaia khapna thupek hi a chhuah:
1. Mi tumahin March Ni 15, 2021 hnu lamah lo/huan leh leipui an hal tur a ni lo.
2. Mi tumahin meilam tha tawk sial hmasa lo chuan lo/huan leh leipui an hal tur a ni lo.
3. Mi tumahin ramhnuaia an meichhem timit lo in an kalsan tur a ni lo.
He thupek hian Khawzawl District pum a huap anga, sut leh a nih loh chuan tih chhuah a nih atanga thla hnih chhung atan hman tur a ni.
Thupek bawchhiate chu Section 188 IPC hmangin hrem an ni ang.
He thupek hi February Ni 16, 2021 khan District Magistrate, Khawzawl District chuan Court Seal chhut hnanin a nemnghet a ni.
