No.7549/2020-2021
Food, Civil Supplies & Consumer Affairs Department chuan Indian Oil Corporation Limited (IOCL) in eirawngbawlna gas man an ennawn vangin Mizoram chhungah 14.2 Kg Domestic Subsidised Rate leh 19 Kg Commercial Rate chu bithliah thar a ni a tih thuchhuah siamin mipuite an hriattir. He thuchhuak angin hian LPG Distributor awmna Mizoram pumpuiah (Vairengte tih loh ) 14.2 Kg Domestic Subsidised Rate chu Rs. 921.00 leh 19 Kg Commercial Rate chu 1838.00 a ni a, Vairengte ah chuan 14.2 Kg Domestic Subsidised Rate chu Rs. 912.50 leh 19 Kg Commercial Rate chu 1821.50 a ni thung. Rate thar hi February ni 15 2021 atanga hman tan a ni tih he thuchhuah a tarlan a ni.
14.2 Kg. te hi Home Delivery a hralh dawn chuan Rs. 70.00 belh zel tur a ni a, Showroom/Godown a hralh dawn erawh chuan Rs.27.60 zel paih thung tur a ni. Point Delivery a sem chhuah a nih chuan a chung a rate tarlan bakah Rs.7.53 belh tur ani.
