Mizoram sawrkar thuchhuak No.B.13021/101/2020-DMR/Vol-III dated 24.02.2021 bawhzuina atan leh Khawzawl district mipuite Covid-19 hrileng laka an him theihna turin Pu Zothanmawia, District Magistrate, Khawzawl District chuan Section 144 CrPC, 1973 (2 of 1974) in thuneihna a pek angin District Headquarters chhungah zan dar 10:00 atanga zing dar 4:00 inkar CURFEW puan a nih thu a chhuah.

Curfew hun chhung hian a hnuaia tarlan mite chauh lo chu pawn chhuah phal a ni lo:

1) Dan leh thupek kengkawhtu Magistrate-te leh police-te
2) Covid-19 kaihhnawiha duty-te
3) Medical Emergency duty-te
4) Media/Chanchinbumi
5) Phai atanga bungraw phur motor in unload
6) Essential Services duty-te
7) District Magistrate leh Sub-Divisional Magistrate-in phalna a pekte

Tin, District Headquarters-a dawr, hotel, restaurant leh sumdawnna hmun dang (damdawi dawr leh petrol pump tiam lovin) te chu zan dar 10:00 hmain khar fel vek tur a ni.

He thupek zawm lo chu IPC Section 188 hmanga hrem an ni ang. He thupek hian  February Ni 24, 2021 atanga thu leh awm hma emaw, thla hnih (2) chhung emaw, a rei lo zawk zawk a huam ang.

He thupek hi vawiin February Ni 24, 2021 hian District Magistrate Seal-a nemnghetin Khawzawl District Magistrate chuan hming a ziah hnan a ni.

He order hian Khawzawl DC office lehkha No. J.12017/1/2019-DC(KZL) dated 16.01.2021 kaltlanga District Headquarters-a zan curfew hunchhung puan tawh chu a luahlan nghal a ni.