No.7622/2020-2021

Champhai Town Multipurpose Co-operative Societies Limited (CTM-PACS) te hmachhawp lian tak Vavu Dil Project hnuaia hmalakna hrang hrang; Bamboo Vinegar siamna, Vawk Farm leh Tui Verh-te chu vawiin chawhnu khan Champhai District Bawrhsap Pi Maria C.T. Zuali’n a hawng.

Pi Maria C.T. Zuali chuan ram changkang leh ropui zawkahte Society intelkhawm chak tak a awm thin thu sawiin, Champhaia hetiang kan nei hi a vanneihthlak hle a ni, a ti a. Neitu nihna thinlung pu chunga a hmunhma leh sum awm angte thiam taka hmang tangkaia hmalakna nasa tak CTM-PACS in a nei chu fakawm a tih thu a sawi a. District Administration anga tanpui theihna zawnah puih a inhuam thu a sawi bawk.

CTM-PACS  kaltlanga chhungkaw engemawzatin eizawnna an nei chu entawntlak hle a a hriat thu sawiin, vawilehkhatah hlawhtlinnate hmuh ni lo mahse a bulthum atanga tana zirna, dawr, farm leh thil dangte hmanga bultan a ni chu nakin lawka chhawrnahawm tak tur a ni, a ti a. India hnampa Mahatma Gandhi an kuthnathawh a chawisan anga Zirlaite leh Member-te zinga kuthnathawh chawimawi kawnga CTM-PACS te hmathlir chu ngaihsanawm a tih thu sawiin, an kalzelna turah duhsakna sang ber a hlan a ni.

He hun hi Pu H.S Vanlalfakzuala, Chairman, CTM-PACS chuan a kaihruaia, Secretary  Pu Zirsangliana'n  report kimchang a pe a. Pu C.Vanlalhruaia ARCS, Pu H.Lalkima AEO leh Dr. Lallawmkima DIPRO te'n thu an sawi bawk.

Bamboo Vinegar siamna khawl  bunfel nan  hian Pradhan Mantri Van Dhan Yojana (PMVDY), Implementing Agency Cooperation Department atangin sum  cheng nuai 15  sanction a ni a, hemi atanga cheng nuai 5 hi mithiamte chhawra training buatsaih nana hman niin, CTM-PACS hnuaia Self Help Group (SHG) member mi 300 te training pek an ni. Bamboo Vinegar siamna kawnga hmalakna  leh hmanraw  hrang  hrangte lei nan Rs 7,45,000/- sen a ni.

Vawk 7 hmanga Vawk Farm bultan chhin chu hlawhtling hle a hriat a nih hnuah Society sumkhawl atangin cheng nuai 10 sanctiona  hmalak a ni a, tun dinhmunah hian Vawkpui 10, Vawkpa 2 leh Vawknote  27 an enkawl mek a. Vawk vulh atang hian sumfai Rs. 2,36,395/- an lalut tawh a, ram dang atanga Vawk lalut lova tualchhung leh State pum mamawh khawp  hralhchhuah tham thar tuma hmalak mek zel a ni.

Vavu Dil Project kaltlanga hmalaknate chak zawka thawh a nih theihna tur kawnga pawimawh tak Tui verh hna hi  Society sum, Agriculture Department leh  Van Dhan Yojana tanpuina  Rs. 2,13,635/-  kaltlanga siam a ni a, Agriculture Department hnuai atang vekin tui dahkhawlna Tanky 3 siam zawh a ni tawh a, Society in tui a hralhchhuah mek bawk a ni.

Vavu Dil ram hi Tuipui hnar  Ruantlang V/C  huamchhunga awm niin bigha 101.5 a zau a ni a. Vavu Dil Project hi CTM-PACS Society hmalakna lian ber tura duan niin, a len tham deuh avangin component hrang hrangah ?hen darh a ni a. Vawiin a hawnte hi chung zinga thenkhatte chu an ni.

Champhai Town Multipurpose Cooperative Societies Limited (CPACS) hi Champhai Chhungte Farming Cooperative Society tih hming puin kum 1994 khan kuthnathawktu, a bik takin Sapthei chingtu mi eng emaw zât intêlkhâwmin an din a. Kum 2015, November-ah Champhai Chhungte Farming Cooperative Society ni ?hin kha mipui zau zawk tana chhawr ?angkai theih turin Champhai Town Multipurpose Cooperative Society (PACS) Limited ti a thlak a ni a. Kum 2012 ah Primary Agricultural Credit Cooperative Societies (PACs) atan thlan niin,  August Ni 23, 2012 ah PACS Office  hawn a ni a. Kum tina Society  sum khawih chêt hi  chêng vaibelchhe 10 a tling thuak tawh a ni.

Kum 2013 khan CTM-PACS  hian Governing body mumal tak siamin Champhai Higher Secondary School a din a. Mizoram Sorkarin  kum 2018 atangin Lumpsum Grand-in-Aid ah a hlangkai a. Kum 2013 ah vek hian CTM-PACS Variety  Dawr din ?an a ni bawk. Damdawi man tlâwm leh ?ha si, mipui nâwlpui tâna lei theihna hmun Janaushadi chu Champhai leh a chhehvel mipuite bân phâka a awm ve theih nân Society chuan kum 2019 ah a hawng bawk.

T?nah hian he Society-ah hian member puitling mi 152 vel awmin, eizawnna hrang hrang vuantute an ni a. Society a?anga loan p?k thei tur emaw, account nei thei tur emaw hian Nominal member nih a ngai a, chutiang member chu mi 2,200 vel an awm tawh bawk a ni. Champhai khawpui huam chhunga eizawng mi chi hrang hrang hnen a?angin nitin pigmy deposit khawn ?hin niin, Covid-19 hrileng vangin tunhma pha chiah rihlo mahse nitin Rs 2,30,000/- vel dawn khawn khâwm ?hin a ni a, hei hi a mamawhte hnenah loan angin pêk chhuah leh ?hin a ni a, tun thlengin mi 441 te hnenah loan cheng nuai 888 vel pek chhuah tawh a ni a. CTM-PACS hnuaiah hian thla bi hlawhla thawktu mi 29 an awm mek a ni.

CTM-PACS hian kum 2017 khan IFFCO (Indian Farmers Fertilizers Cooperative Limited) a?angin “Cooperator” award  a dawng a. Kum 2018 ah NCDC (National Cooperative Development Cooperation Ltd, Ministry of Agriculture, GOI hnuaia statutory body) atangin NCDC Regional Award for Cooperative Merit, 2018  a dawng a,  Mizoram state chhung Society zinga hetiang award dawng hmasa ber an ni. 

Pi Maria C.T. Zuali hian vawiin chawhnu vek khan CTM-PACS School, Pisa, Variety Store leh Damdawi dawrte a tlawh bawk.