No.7621/2020-2021

Hnahthial District Bawrhsap Pu Vanlalmawia kaihhruaiin vawiin khan a office Conference Hall-ah Hnathial Chapchar Kut 2021 hman dan tur ngaihtuahin Sorkar Pisa hotute leh NGO hrang hrang hruaitute an thukhawm a,thupui atan 'Zoram nuam i siam ang u' tih chu thlan a ni

Meeting chuan Chapchar Kut chu Mizo te Kut pawimawh ber zinga a mi a nih avangin Covid-19 hrileng karah pawh hman ngei nise, kum dang anga hlim hlawp - zai leh lam, zawnga tih loh erawh nise tiin Chapchar Kut Ni (5th March.2021) ah YMA Branch tin ten mahni area-ah 'Faina Hnatlang Runpui' neih nise, Mizo nun hlui ti lang thei tur hmanraw hrang hrang te pho chhuahna hmun siam theuh bawksela chu chu District Bawrhsap hovin Organising Committee ten tlawhkual se an ti a, Organising Committee pawhin bazar kawnah hetiang tarlanna hmun hi siam nise an ti. March Ni 1 atanga Ni 5 inkar chhung hian Hnahthial-a Sorkar pisa hnathawk, Sumdawng, Taxi leh Auto Rickshaw driver te chu a tam thei ang ber Mizo thuam inbel nise,  YMA Sub-Hqrs, MHIP, MUP leh Organising Committee aiawh telin 'Zonun zemawi' tih thupui hmangin TV kaltlanga Talk show buatsaih nise an ti bawk a ni.