Lunglei District Magistrate chuan 10.03.2020 (Thawhlehni) khan a hnuaia mi ang hian Order a ti chhuak:
Coronavirus (COVID 19) hri hlauhawm tak chu tunlai hian India ramah positive case hmuhchhuah niin, a vei pawh an pung zel niin hriat a ni a. Hetiang hi thil awm dan a nih avangin mipuite kan lo him theih nan leh kan inven theih nan thupek chhuah ngaiin ka hria a.
Chuvangin, kei R. Vanrengpuia MCS, District Magistrate, Lunglei District, Mizoram chuan Section 144, CrPC 1973 in thuneihna min pek angin he hri lak atanga mipuite kanlo him theihnan leh Lunglei District chhunga a darh ve loh nan a hnuai thupek hi ka chhuah e.
Lunglei District chhunga Kawrpuichhuah bak India leh Bangladesh inri-na hmun dang atangin Lunglei District chhungah mi tumah an lutin an chhuak tur a ni lo.
Kawrpuichhuah kaltlanga Mizoram rawn lut te pawhin COVID 19 Screening an nei ngei tur a ni.
He thupek zawm lo chu Sec 188 IPC hmanga hrem theih an ni ang.
He thupek hian thu leh awm hma chu chhuah a nih atanga thla 2 (hnih) chhung a huam ang.
