No.6423/2020-2021

District Magistrate Lunglei chuan Dt.28.10.2020 khan hetiang hian thupek a chhuah. Tunlai hian Mizoram chhehvelah Vawk natna, Porcine Reproductive and Respiratory Syndrome (PRRS) leh Classical Swine Fever a la leng mek niin hriat a ni a, African Swine Fever pawh lo lut mai thei dinhmunah a ding a, heng natna hi Lunglei District-ah pawh leng ve thei reng dinhmunah a ding mek a ni.

Chuvangin, kei, V.LALSANGLIANA, District Magistrate, Lunglei District hian Sec 144 of Cr. P.C. 1973-in thuneihna min pek angin a hnuai a mi ang hian thupek ka chhuah e.

1. Thenawm ram (Bangladesh, Myanmar). State dang leh District dang atanga Vawk, Vawksa leh Vawksa atanga eitur siam reng reng lakluh leh thawn chhuah khap tlat a ni.

2. Vawk thi reng reng paih mai mai lovin thuk taka phum thin tur a ni.

3. Vawk talhtu ten Vawk hrisel chauh an talh tur a ni.

4. Vawk neituten Vawk damlo an hralh tur a ni lo.

He thupek hian Dt.29.10.2020 atanga thu leh awm hma chu hman a nih atanga thla 2 (hnih) chhung a huam ang.

He thupek zawm lote chu Sec 188 of IPC hmanga hrem theih an ni ang.