No.650/2021-2022

Mizoram Sorkar chuan Lehkha No.B.13021/101/2020-DMR/Vol-IV dt.22.05.2021 hmangin Covid-19 laka mipui kan him theina tura inkaihhruaina hmangin thupek a chhuah a. Sorkar thupek bawhzuiin leh Covid-19 laka Lunglei District mipui kan him theih nan khapna thupek chhuah a tul a.

Chuvangin, Kei, KULOTHUNGAN A, IAS, District Magistrate, Lunglei District hian Sec.144, Cr.PC 1973 in thuneihna min pek angin a hnuaia thupek hi ka chhuah e.

Lunglei khawpui chhungah zan dar 7:00 leh zing dar 4:00 inkarah pawn chhuah khap tlat a ni a.

He khapna thupek hian a hnuai-a tarlan te hi a huam lovang.

1. Magistrate duty.
2. District Level Task Force on Covid-19 Member-te.
3. Village Level Task Force on Covid-19 Member, duty na avanga chhuah ngai te.
4. Police duty, Fire & Emergency duty, Prison duty, Excise & Narcotics enforcement duty.
5. Damdawi In-a hnathawk Doctor, Nurse leh thawktu dang duty te. (Hospital duty)
6. Covid-19 kaihhnawiha team hrang hrang duty heng Covid Care Center duty, contact tracing team, disinfection team, Quarantine Centre Nodal Officer leh Contact persons etc.
7. Disaster Management Officers and staffs.
8. DIPRO leh staff Official night duty te.
9. PHE leh P&E Department-a emergency leh night duty te.
10. Print and Electronic Media, internet service providers.
11. Medical Emergency, damlohna thil leh chhiat tawh thil-a veng/khaw danga kal ngai, an veng VLTF hriatpuina lehkha keng.
12. Thawhtanni (Monday) leh Ningani (Thursday) zan dar 8:00 atanga zing dar 4:00 inkarah SOP in-a phal chin dawr bungraw sem turte veng/khaw danga kal ngai, an veng VLTF hriatpuina lehkha keng.
13. Public Distribution System (PDS) hnuaia ration dawr/retailer-a pek chhuah tur buhfai, chini leh khawnvartui phur motor FCS&CA Dept. pek chhuah delivery Order/Challan nung mek keng te.
14. Para-Military Force duty te.
15. Essential Commodity phur lirthei-te.
16. District Magistrate leh Sub-Divisional Magistrate-in phalna a pek te.

He thupek bawhchhetu chu Section 188 IPC hmangin hrem theih a ni ang.

He thupek hian tihdanglam a nih loh chuan May ni 24, 2021 zing dar 4 atanga thla hnih chhung a huam ang.