141/2022-2023
Aizawl the 13th APril, 2022 : Pu Kulothungan A, IAS, District Magistrate, Lunglei District chuan Gas/ Petrol/ Diesel zawrh chungchang ah hetiang hian thupek a chhuah.

Mizoram Sawrkar chuan phalna nei lova Gas/ Petrol/ Diesel zawrh hi a ngaimawh em em a, kangmei chhuahna awlsam tak pawh a ni bawk. Mi tinte hemi kawngah hian fimkhur a tul hle a ni.

Chuvangin, Kulothungan A, IAS, District Magistrate, Lunglei District, Mizoram chuan, Section 144 CrPC, 1973-in thuneihna a pek hmangin a hnuaia tarlan ang hian khapna thupek a chhuah.

Mi tumahin Lunglei District huamchhung ah phalna nei lovin Gas/ Petrol/ Diesel an zuar tur a ni lo.

He thupek hian Dt. 12th April, 2022 atanga thu leh awm hma chu hman a nih atanga thla 2 (Hnih) chhung a huam ang a. He thupek zawm lote chu Sec. 188 of I.P.C. hmanga hrem theih an ni ang.