142/2022-2023
Champhai, the 13th April, 2022: Tukin khan Law & Judicial Minister Pu T.J. Lalnuntluanga chuan Champhai Tuipui khuaa Boxing Hall sak dan tur a hmunah tlawhin a enfiah.

Tuipui Hall sakna tur hi MLALADS Fund leh Shyama Prasad Mukherjee Rurban Mission (SPMRM) tangkawp (convergence work) tura ruahman niin, SPMRM atangin cheng nuai 40 leh MLALADS (MLA Fund) atangin cheng nuai 10 senga thawh tur a ni dawn a. A dung metre 25 leh a vang metre 12 vela zaua sak tura ruahman a ni.

Ruahmanna hmasa ang chuan Tuipui Boxing Hall sakna tur hian Community Hall hmun hlui tinzawn a ni a, khawtlang mipuite ngenna angin Tuipui Football Ground sirah sak tura ruahman that a ni.

Law & Judicial Minister hi Pu Lalduhthlana, DFO Champhai, Pu B. Zonunmawia, Technical Assistant, Khawzawl RD Block leh khawtlang hruaituten an tawiawm a ni.