2434/2025-2026

Dated : Mamit the 28th of November, 2025 : Kan hma lawkah Kum 2025 Krismas leh kum 2026 Kumthar kan lo thleng dawn ta a. He hunpui chhunga Dan leh Hrai kenkawh a nih theihna tur leh Mamit District mipuite kan him theih nan thupek chhuah tul a hriat a ni.

Chuvangin, Pu K.LALTLAWMLOVA, MCS, DISTRICT MAGISTRATE, MAMIT DISTRICT  chuan  Section 163, Bharatiya Nagarik Suraksha Sanhita (BNSS), 2023 in thuneihna a pek angin a hnuaia mi ang hian khapna thupek a chhuah.

"Mamit District huamchhungah kum 2025 Krismas leh kum 2026 Kumthar vuakvetah, halpuah, halmawi, sky lantern leh puakthel thil dang, boruak tha lo siam thei leh ri bengchheng siam thei chi hrang hrang leh naupang silai lem a mu hmang chi reng reng lak luh, zawrh, hralh, hal leh hman khap tlat a ni."

He thupek bawhchhetute chu Section 223, Bharatiya Nyaya Sanhita (BNS), 2023 hmangin hrem theih an ni ang. He khapna thupek hian, hnuhlet emaw tih danglam a nih loh chuan, chhuah a nih dt.27.12.2025 atanga thla hnih (2) chhung a huam ang.