No.3169/2019-2020

Coronavirus ( Covid-19) hri chu  khawvel hmun hrang hrangah  a darh zel avang leh he natna hi inkaichhawn awlsam tak anih avangin mipuite kan lo him thei nan leh kan inven theih nan thupek chhuah ngaiin ka hria a. 

Chuvangin kei R.Vanrengpuia District Magistrate, Lunglei District hian Sec. 144 CrPc 1973 ( Act II of 1973) in thuneihna min pek angin a hnuaia khapna thupek hi ka chhuah e.

1.       Lunglei District chhung pawl leh kohhran punkhawm / Inkhawmpui, khual khua atanga inkohkhawm ngai ang chi reng reng buatsaih khap a ni.

2.       Lunglei District chhunga mimal/chhungkua pawh, khualkhua atanga inkohkhawm ngai chi programme/ Function hran siama punkhawm an buatsaih khap a ni.

3.       Lunglei District chhunga loh theih loh thil ang chi a hetiang punkhawmna siam tur chuan a hnuaia hming ziak hnenah hian dilna thehluh tur a ni. 

He thupek hian thihna/chhiat tawh vanga punkhawmna a huam lovang a, amaherawh chu hri leng mek laka invenna tura tul leh pawimawh hrang hrangte chhungkua leh khawtlang hruaitute pawhin hlenchhuah dan zawnga ruahmanna siam tura beisei leh ngen an ni.

He thupek zawm lo chu IPC Sec. 188 hmangin hrem theih a ni anga. He thupek hian thu leh awm hma chuan chhuah a nih atanga thla hnih (2) chhung a huam ang.

He thupek hi District magistrate seal chhu a nemnghetin vawiin Dt 19.03.2020 hian ka hming ka ziah hnan e.