No.3135/2019-2020

Ni 17th March 2020 a District Medical Superintendent, Kolasib District kaihruaina hnuaiah District Hospital, Kolasib a Doctor ten thutkhawmna neiin Kolasib mipui, District Hospital-a inentir tum te tan, COVID-19 lak a invenna mumal zawk kalpui a nih theih nan, a hnuai a mi ang hian ruahmanna an siam:

1. COVID-19 kai a inringhlel te chuan OPD ah in entir lovin Phone Number 7085847037 emaw 9903635376 ah inhriattir hmasak tur a ni ang a, hemi zawh hian felfai takin Hospital a thawktuten hma an la zui dawn a ni.

2. District Hospital, Kolasib-ah hian COVID-19 kai te enkawlna tur bik Isolation Ward khum Panga (5) ruahman fel tawh a ni.

3. COVID-19 laka invenna tha zawk kalpui a nih theih nan mamawh zual bik chauh ten OPD hi pan ni se. Natna benvawn, entir nan BP sang, Lung na, Zun thlum leh a dangte pawh, tul bik leh lohtheihlohna vang a nih loh chuan OPD pan rih loh ni se.

4. Damlo intlawh hun hi thu leh awm hma loh chu tihtawp lailawk a ni ang a. Damlo ten mi pakhat bak awmpuitu an neih a rem rih lo bawk ang. Ward Superintendent/Nurse duty ten hemi chungchangah hian damlote mamawh dan azirin ruahmanna dang an siam thei ang.

5. Hospital damlo in lam atanga chaw inpe tur te tan zing dar 8:00 AM – 9:00 AM leh tlai dar 4:00 PM-5:00 PM inkar ruahman a ni a, hemi hun chhung hian damlo awmpuitute pawh an inthlak thei ang.

6. OPD Inentirna leh Hospital luh dawnah Wash basin dah a ni a, Hospital dawr tur te apiangin kut fai tak a sil tur a ni.

7. OPD ticket counter ah intlar leh innek buai lo turin leh midangte nen a inhnaih lutuk a awm khawm loh tur a ni a, metre 1 tal a inhlat a awm a him a ni.

8. COVID-19 hri len chhung chuan kum upa lam ten an hriselna an uluk zual tur a ni a, hemi chhung hi chuan chhuahvah tam loh a him ber rih a ni.

9. District Hospital Kolasib Compound chhungah mi tupawh kut vuana in chibai loh tur a ni.

10. In zai, Ha phawi, Mit zai leh a dangte pawh Emergency case a nih loh chuan tihtawp lailawk vek rih a ni ang.