2472/2025-2026

Lawngtlai, 1st December 2025: Vawiin khan 'District Planning Committee for Lawngtlai District' chuan an Chairman leh Bawrhsap nibawk Pu Donny Lalruatsanga kaihruaiin a Office Chamber- ah thutkhawm an nei.

Pu Donny Lalruatsanga chuan kalkhawmte hnen a lawmthu sawina a nei hmasa a. Mizoram sawrkar hnuaia Planning & Programme Implementation Department- ten 'Mizoram District Transformation Programme' a kalpui turah Lawngtlai District - ah pawh theihtawp chhuah a nih thu a tarlang a. He Programme- hnuaia hnathawh turah tha leh rintlak taka hnathawk turin Line Department - te a sawm a. District Transformation Vision - kaltlanga Project lutte Planning & Programme Implementation Department, Government of Mizoram, ah thehluh thuai a nih tur thu a tarlang bawk.

Thutkhawmah hian Lawngtlai District - a 'District Transformation Programme' tha taka kalpui turin theihtawp chhuah ni se an ti a. Horticulture, Sericulture, Health & Family Welfare, Agriculture, Land Resources Soil and Water Conservation, District Project Officer (DPO) UD&PA, District Project Coordinator (DPC) Samagra Shiksha, Lawngtlai, atanga Project Proposal- lut tawhte thlir ho a ni a. Project Proposal - lo lut tur dang awmte pawh a hma lam a DC Office- a thehlut tura hmalak ni se an ti a. Hnathawhna tur sum leh pai hmuh a nih hunah tha leh rintlak tak a hnathawh ni se an ti a ni.

Vawiin thutkhawmah hian 'District Planning Committee for Lawngtlai District' Member- te an tel kim tha hle a, Pu Donny Lalruatsanga chuan lawmthu sawina neiin hun a khar.