Vawiin 12.11.2009 zing dar 11:30 khan Mamit District Prohibition Council chu an Chairman Pu Zothankhuma, IAS, District Bawrhsap hovin D.C. Conference Hall, Mamit-ah an thukhawm.
He hunah hian Mamit khawpui leh District huamchhunga MLTP Act kalpui dan leh a kaihhnawih thil chi hrang hrang te thlirho niin Mamit-a District Jail kan la neih loh avanga thawktuten harsatna an tawh dante tarlan a ni a. He Meeting-ah hian kan hmalawka Krismas leh Kumthar lo thleng tur leh 2010 kumtira KTP General Conference Mamit khawpuiin a thlen tur thlirin Mamit khawpui leh District chhung mipuite Zu leh a kaihhnawih thilah kan lo fihlim zawk theih nan tun atangin theih tawp chhuah nise tihrel a ni a, hemi lama mawhphurtu Excise, Police leh Magistrate-te hmalakna theihtawpa tanpui turin tlawmngai pawl hrang hrang YMA, MUP,MHIP leh khawtlang hruaitute ngen nise tih relin hemi chungchangah hian Press Release siam nise an ti bawk.
He Prohibition Council Meeting-ah hian District Level Committee, NGO aiawhte leh khawtlang mipawimawhte an tel tha hle a ni.
He Prohibition Council Meeting-ah hian District Level Committee, NGO aiawhte leh khawtlang mipawimawhte an tel tha hle a ni.
