Vawiin khan Central YMA Hall a buatsaih Rev Liangkhaia piancham kum 125 puala nihnih awh tur Quasquicentennial National Seminar chu Pu H.Rohluna, Minister Environment & Forest chuan a hmanpui. He seminar hi Indira Gandhi National Centre for the Arts bultumin Aizawl YMCA, Set Free Ministries leh ZOPPEN Club International tangkawp ten an buatsaih a ni. Brig Ngurliana Sailo chu khualzahawm niin Rev Liangkhaia lehkhabu te, manuscripts hluite Exhibition a hawng. Minister hian Rev Liangkhaia lehkhabu ziah ‘Pathian Thu Tluantling’ a tlangzarh nghal.
Pu Rohluna chuan hetiang Quasquicentennial National Seminar hi Mizoram a kan vawikhat neihna a ni a, a lawmawm atih thusawiin he hun hi Mizoram tan chauh nilovin India rampum tan zinkawng ropui tak tanna ni ah a ngaih thu a sawi.Rev Liangkhaia khan Indian history leh culture ah te, tawng leh lehkha ziah ah te, Pathian thu leh kohhran inrelbawl dan ah te, rimawi leh thawnthu ah te sulsutu pawimawh ani ti ila mithiam dangten an pawmpui a beisei thu a sawi.
Rev Liangkhaia Quasquicentennial Seminar & Exhibition chu October khan Vanapa Hall ah neih a ni tawh a, November thla hian Lunglei ah Seminar cum Exhibition on Rev Liangkhaia leh Book Fair buatsaih tum a ni bawk. Vawiin inkhawm hi Pu C.Ropianga, Adviser, Set Free Ministries in a kaihruai a, Dr.SM Basu, Indira Gandhi National Centre for the Arts, New Delhi chuan inlawmna thusawiin Prof.Laltluangliana Khiangte, President ZOPPEN in inhmelhriattirna leh he seminar buatsaih dan te a sawi.
Rev Liangkhaia Quasquicentennial Seminar & Exhibition chu October khan Vanapa Hall ah neih a ni tawh a, November thla hian Lunglei ah Seminar cum Exhibition on Rev Liangkhaia leh Book Fair buatsaih tum a ni bawk. Vawiin inkhawm hi Pu C.Ropianga, Adviser, Set Free Ministries in a kaihruai a, Dr.SM Basu, Indira Gandhi National Centre for the Arts, New Delhi chuan inlawmna thusawiin Prof.Laltluangliana Khiangte, President ZOPPEN in inhmelhriattirna leh he seminar buatsaih dan te a sawi.
