Vawiin chawhma dar 10 khan Mamit GSA Playground ah Mamit District PYKKA Sports chu Pu A.Biaklawma, Addl. DC Mamit chuan a hawng.
Hawnna inkhawm hi Pu C. Lalthansanga chuan kaihhruaiin, Pu C. Laltanpuia Secretary PYKKA, Mamit District chuan report pe in Pu A. Biaklawma, Addl. DC chuan hawnna thu sawiin, vawiin hi in tan hun tha a ni a, in taksa remhriatna leh chakna bul tanna tak tak inpho lanna tur a ni, infrastructure tha kan neih chhoh zel avangin infiammite in vannei hle a ni, vawiin ni ah hian infiammite hi remna leh muanna kengtu an ni a, ram leh ram, khua leh khua, veng leh veng ah te remna keng zel tura chahin, District tihmasawn thei turin infiammite a chah bawk. Hrileng thinte pawh infiam mite tan chuan kai harsa bik thin a ni tiin, infiammite chu vawiin hi inbultanna tur a ni a, engtik ni ah emaw chuan hlawhtlinna inla hmu ngei ang a ti.
He PYKKA ah hian infiamna chi 7, Athletics (100 mts., 400 mts., 800mts., 1500 mts., long jump, shot put, discus throw) Football (boys & girls), Volleyball (boys & girls), Boxing (boys & girls), Taekwondo (boys & girls), Badminton (boys & girls), Table Tennis (boys & girls) ah te inelna neih a ni ang.
He PYKKA ah hian W. Phaileng, RD Block, Reiek RD Block, Zawlnuam RD Block ten in elna an nei ang. He District PYKKA Sports ah hian Infiammi 202 an tel thei a ni.
