Aizawl District Road Safety Committee chu vawiin khan DC Office ah Pi Lalhriatzuali Ralte, IAS Additional DC kaihhruaina in  neih a ni a. Kawngpui hmangtu  lirthei chi hrang hrang leh  mipui te chetsual palh theihna tur laka venhimna leh  dan bawhchhetu te chunga khauh zawka hmalak dan turte rel ho ani in Meeting hmasa lama thu dah leh hmalak zui dan te thlir ho  nghal a ni.

Road safety atana  rawtna hrang hrang te leh Road Safety Action Plan te chu  thuneitu sang zawkah theh luh a,hemi atana  sum mamawh te pawh then anih tur thu Pi Lalhriatzuali chuan sawiin  himna leh dan zawm tur chungchanga mipui te hriattur pawimawh te pawh puanzar kawngah  Road Safery Awareness ngawrh zawka neih a tul thu a sawi a. Hemi atana  hmala tur bik Core Comittee  din nise tiin  rel a ni a,remchang hmasa berah  hmalak dante sawiho leh tura  remruat nghal ani.

Aizawl khawpui chhung leh khawpawn deuhva  hmun thenkhat Accident Spot Area ah te  Ambulance chhawp leh  thuziak  tar chungchang te sawi ho  a ni a.Lirthei khalhtu a bikin  two wheeler te remlo chung chunga  inrawlh leh overtaking nasa lutuk avanga dan bawhchhia te chunga  dan anga khauhzawka  hremna chelek a  tul tawh dan te, kea kalna tura siamah kalna tur awm miah lo khawpa thil zuarte  leh kawngsira insakna bungrua chhawp leh  dahkhawm lo fihlim theih zawk dan turte sawi ho ani  in dan bawh bawhchhia te hremna leh pawisa chawi  tir theih dan te  leh Road Safety Volunteer din chungchang te  sawiho  nghal ani.