Vawiin khan LR,S&WC Department changtu Minister Pu R.Lalzirliana'n Department Officers' Meeting LR,S&WC Conference Hall, Aizawl ah a hmanpui.

Pu George Lalromawia, Director, LR,S&WC Department kaihhruai inhmuhkhawmna ah hian Department changtu Minister chuan Department thang duang tak ni tura hma an lak tur thu a sawi a. Khauh taka Deparment hi enkawl anih tur thu leh kalkhawmte chu mipuite chan ai it lo turin a chah a, mi dik lote tan hmun a awm lo tiin mi dik, midang tana malsawmna ni tura thawk te tan erawh hmun a awm tur thu a sawi a ni.  Minister Pu R.Lalzirliana chuan LR,S&WC Department ten Mizoram hmun hrang hranga hna an thawhna te chu a hmunah ngei enfiah a duh thu a sawi bawk a ni.

Land Resources, Soil and Water Conservation Department Officers Meeting ah hian an department hnathawh hrang hrang te thlir let a ni a, harsatna an tawh te leh an hma thlir te pawh Minister ho hian power point presentation hmanga thlirho a ni.