Vawiin khan D.C Conference Hall, Mamit-ah Pi Lalbiaksangi, District Bawrhsap kaihruaina-in Mamit District Security Committee chu an thukhawm.

Vawiin thutkhawm-ah hian Mamit District chhunga dan leh thupek( Law & Order) lekkawh chungchang leh hmalakna tur hrang hrangte  thlirho a ni a,  Excise Department  report danin  Mamit khawpui chhunga  zu lei phalna Card  nei mi 766 awm mekin dan anga  Wine shop kalpui a nih theihnan  duty felfai taka insiam a ni a, tun dinhmunah thawk hmanga zu in leh lo test na  Breath analyzer chu Mamit police leh Excise department ten an kawl that thu report a ni bawk.

Meeting-ah hian Ministry of Home Affairs in thuchhuaha neih veleh a,  Bru ( Reang) hruaikir hna thawk tura inbuatsaihna hrang hrang venhimna lam leh kawng dang dangah te, ruahmanna siam fel a nih thu te, District chhung khawthlan bik ah Village Defence Party ( VDP) din tharte, dan bawhchhiatna thlen thula khawtlang huap leh hnam bil anga boruak ti chhe zawnga thil thleng chingfel zung zung tura dan leh thupek lekkawh dan tur te meeting- ah hian sawi ho a ni.

Vawiin meeting hian ramri venhim, dan lova rawn lut dapchhuah,  rampawn atanga ran leh ruihhlo hrang hrang tawlhruk chungchang, BSF leh District chhung Police te thawhhona tha zawk siam chungchangte thlir ho a ni a, hmalakna tha zawk leh rawtna hrang hrangte sawiho in District chhung him leh thlamuang taka a awm theihna turin hmalakna tur hrang hrangte siam a ni bawk.

Meeting- ah hian Pu Narayan Thapa SP Mamit, Pu H. Lianzela Addl D.C, Pu H. Lalthianghlima Superintendent Excise bakah Joint V.C Chairman, President Sub Hqrs, MUP leh MHIP atang ten an tel a ni.