1460/2023-2024

Aizawl the 11th August 2023 : Vawiin khan ni hnih awh District SVEEP Nodal Officers (SNOs) Conference on SVEEP preparedness chu ATI, Auditorium-ah kharna hun hman a ni a.

Conference-ah hian ECI atangin Pu Santosh Kumar, Secretary; Pu R.K Singh, SVEEP Coordinator; Pu Shiv Kumar, Assistant Section Officer; Ms Esha Khan, Graphic Designer ten an telpui a ni.

Pu Santosh Kumar chuan democracy hrisel tak kan neih theihnan khua leh tui vote nei thei chin te chu electoral roll a kan inziahluh veka, a hun a thlena vote kan thlak theuh a pawimawh a ni a ti a. SVEEP hmalakna chak taka kalpui zel anih theihnan member-te theihtawp chhuah theuh turin a sawm bakah SVEEP chu election chungchanga midangte zirtirna hmanrua pawimawh tak a ni a,  publicity satliah a ni lo tih kan hriat a tul a ni tiin a sawi.

SVEEP Conference-ah hian District tin atanga inbuatsaihna hrang hrang kalpui mek leh kalpui tawh te powerpoint presentation hmanga sawi ho a ni a. Heng bakah hian ECI lam atangin thurawn leh kalphung thar thenkhat te inhrilhhriatna hun hman a ni.