Vawiin chawhnu hian Serchhip District Task Force Committee on Beti Bachao Beti Padhao chu an chairman Pi Sangchhin Chinzah, District Bawrhsap hovin a pisa ah an thukhawm. 

Beti Bachao Beti Padhao Scheme hnuaiah hian hmeichhe naupangte dikna chanvo pek te, fanu neih chawinun te leh zirna an neih ngei theihna tur atana hmalakna kalpui te chu a tum ber pakhat niin, fanu/hmeichhiate chawikanna lam ram mipuite hnena zau taka puanzar a ngaipawimawh hle a. India rama state leh UT zawng zawngah kawng hrang hranga hmalakna kalpui tura ruahmanna siam mek a ni. Vawiin meeting pawh hian Serchhip Districta hmalak dan tur District Plan siam dan chungchang an ngaihtuah a. Line Department hrang hrangte hmalak dan tur leh chanvo te siam niin, Committee in la thlir nawn leh tura tih a ni.