Lunglei East bialtu MLA Pu Joseph. Lalhimpuia Sponsored Lunglei East Constituency Badminton Championship Farm Veng Badminton Hall a khelh chu vawiin tlai khan zawh fel a ni.

Nihnih chhung awh he Badminton Tournament Lunglei East bial chhung bik tana buatsaihah hian Hmeichhia Double telin Category 7 ah in elna buatsaih a ni a, Category hrang hrangah hian Champion leh Runners up te hnenah lawmman pawisafai leh Certificate pek an ni.

Tournament kharna inkhawm vawiin tlaia Farm Veng Badminton Hall ah neih ah bialtu MLA leh Tournament buatsaih saktu Pu Joseph. Lalhminpuia chuan thu sawiin, Lunglei East bial chu Lunglei khawpui laili kan nih avangin Lunglei khawpui boruak siamtu kan ni a ti a, Lunglei East thalai infiammi te chu Mizoram chhung mai nilo rampawn thlenga inpholang tura tan la turin a chah bawk. Pu Joseph Lalhimpuia chuan Lunglei East bial chhunga thalai ten infiamna lama hmasawnna nasa zawk an neih theih nan Ramthar Vengah Rs Nuai 95 senna tur Hall sak mek a nih thu te, Rs Nuai 500 chuang senna Chanmari Hall hman theiha hawn thuai a nih tur thu leh Electric Vengah Rs Nuai 1040 senga Hall changtlung tak sa tura ruahmanna siam  fel a nih tawh thu a sawi.