No.7153/2020-2021

Vawiin khan DC Conference Hall, Mamit-ah Dr. Lalrozama,  IAS Chairman DTFI/ District Bawrhsap hovin Mamit District Task Force on Covid - 19 thutkhawm a ni.

Chairman DTFI chuan Mamit District chhunga Health Care Worker-te tana Covid - 19 Vaccine dawn a ni thei dawn ta chu lawmawm a tih thu a sawi a, Mamit District chhungah tluang taka kalpui a nih theihna turin thawktute duhsakna a hlan bawk. 

Dr. Lalmuanawma, Jongte District Immunization Officer & Member Secretary, DTFI Mamit District-in a tarlan danin Covid - 19 vaccine la tur hian Mamit District chu a inpeih thawkhat tawh a, January Ni 8 khan Mock drill/ dry run vaccination lo neih tawh niin vaccine petu turte pawh training pek vek tawh an nih thu a sawi a. Mamit District chhungah Covid - 19 vaccine chu 782 pek tura ruahmanna siam atangin mi 450 pek theihna dose dawn hmasak a nih dawn thu a sawi. Vaccine hman tur hming hi covishield niin Serum Institude of India te siam a ni a. He Vaccine hi a hlauhawm lova, mithiam zawkte'n mihring hman atan a hlauhawm lo a ni tih an zirchian hnuah hman theih tura chhawpchhuah a nih thu a sawi. He Vaccine hi temparature 2 to 8 degree inkara vawn that tur a ni, damdawi hi vawikhat hawn tawh chuan darkar 4 chhunga hman zawh ngei ngei tur a ni a, mi pakhat tan dose 2 lak tur niin dose khatah hian 0.5 ml a in jection tur a ni. 

Covid - 19 vaccine hi ruahman ang chuan Mamit District chhunga Health Care Worker-te tan Ni 18 leh 19 January atangin District Hospital, Mamit leh District chhunga PHC thlan bikah pek tan tum a ni. Vaccine hi Naupai, Nu hnute pe lai, kum 18 hnuailam te tan dawn loh tur a ni. Covid - 19 vaccine 2nd dose kan lak atanga Ni 14 hnuah chauh immunity a awm avangin hri laka kan him theihna tura sawrkarin dan a siamte, Mask vuah, Hand Sanitizer, Social distancing te hlamchhiah lova tha taka hman zui tur a ni. 

Meeting-ah hian Covid - 19 vaccination hi Electoral Photo Identity hmanga in register lawk te tan chauh pek theih an nih thu tarlan a ni bawk.

Vawiin meeting-ah hian District Task Force on Covid -19 members te an tel tha hle a ni.


Attachment

  • Loading attachment...