Vawiin khan District Task Force On Immunization Committee chu Kumtluang Hall, CMO Office Mamit- ah thutkhawm a ni.

Meeting-ah hian Mamit District chhunga hridanna pek kawnga hmalak tawh dan hrang hrang thlirletna neih a ni a. Rotavirus Vaccine pek beihpui Ni 7th August, 2019 atanga kalpuiah naupang kum 1 hnuailam mi 339 te hnenah hridanna pek an ni a. Rotavirus bikah hian District chhungah hmasawnna hmuh a ni.

India ram leh Mizoram Sawrkar-in naupang kum 2 hnuailam leh nu naupai hridanna pek kawnga hma a lakna Intensified Mission Indradanush (IMI) hnuaiah kum 2020-ah chuan naupang kum 2 hnuailam leh Nu naupai hridanna pek 90% tal tling ngei tura hmalakna kalpui chhoh mekah Vaccine la la ngailo zawn chhuaha, hridanna an lak ngei theih nana Mamit District chhung PHC leh CHC tin te'n hma an lakna thlirho a ni a. Tuna target awm mek chu Naupang kum 2 hnuailam mi 224 leh Naupai 188 an ni.

Intensified Mission Indradanush Ni 2-7 Dec, 2019 chhunga kalpui leh tur atana inbuatsaihna meeting-ah hian thlirho a ni bawk a. Target awmsa naupang kum 2 hnuailam leh Nu naupai hridanna la dawng lo te'n an dawn ngei theih nan District chhung PHC leh CHC tinah te beihpuithlak a ni leh dawn a ni. Hemi kawnga zau zawka mipuite'n kan hriat theih nan, NGO hrang hrang, Kohhran, Khawtlang leh Thutharthehdarhtute kohkhawma sawihona neih a ni dawn bawk a ni.

Meeting-ah hian Dr Lalmuanawma Jongte, District Immunization Officer, Member Secretary, DTFI Mamit chuan Mamit District chhunga Nu Naupai leh Naupang kum 2 hnuai lam te'n hridanna tha taka an dawn theih nan ngawrh taka hmalak thin a nih thu a sawi a, Hridanna chu tunmaia a hnathawh lang nghal a nih loh avanga hriatthiam tawk lohna avangte, kan District chhung inkalpawhna lama harsatna bik awmah te Vaccine la dawnglo kan tam bik thu a sawi. Hemi kawngah hian Department malkhai maia hmalak theih a ni lova, kan zavaia kan thawhho leh tan tlan a pawimawh avangin a theih ang anga tawiawm turin kalkhawmte a sawm a ni.

Dr Vanlalfela, Chief Medical Officer Mamit chuan Meeting hi kaihruaiin District Task Force On Immunization Committee Members-te an tel a ni.