Vawiin chawhnu dar 2 khan District Task Force On Immunization on intensified  Mission Indradanush, Mamit District chu Pu H. Lianzela Addl. DC, DC charge la mektu  hovin thutkhawm a ni.

Vawiin thutkhawm- ah hian micro plan Intensified Mission Indradanush (IMI) chu  Dilzawl, Zomuantlang, Khantlang, Belkhai, Andermanik, Hnahva, Silsury E, Silsury W, Zopui khua-ah te kumin oct ni 7 atangin naupang kum 2 hnuailam leh naupai te tana beihpui thlak dan tur ngaihtuah ho a ni a.

Beihpui hi thawhli a then niin round hmasa ber hi oct 7 atanga tan tur niin nov 7, Dec 7 leh Jan 7 ah te he beihpui hi thlak tura ruahmanna siam a ni.

He beihpui  hi a hlawhtlin zawk theihnan meeting hian DTFI ah hian  member ruat belh tha a tih angin Nehru Yuva Kendra (NYK)leh NSS unit te ruat belh an ni a, an ni hian a tul dan ang angin he beihpui thlakah hian phungbawma sawm an ni ang.

Vawiin Meeting  hian Block Level ah  Block Task Force on Immunization dinin,  BDO chu chairman ah ruat a ni a,  Public Health Centre a Medical Officer awmte chu Member Secretay niin an ni hian a tul angin member an ruat belh theih ang. Hridanna pek chungchang ah chak zawka hma lak a nih theihnan Bridge Programme hnuaiah DPM leh ASHA Co-ordinator te tan a tul dan anga training pek ni se tih a ni bawk.

Meeting-ah hian IMI kaltlanga hridanna pek hna kalpui tawh dan thlirletna neih a ni a, Mamit District chu hnam hrang hrang awmkhawmna a nih avangin hridanna lak kawngah hrethiam lo leh damlo zawk dawna in ngai an awm thin a vangin hmalakna-ah harsatna a awm thin thu ngaihthlak a ni a, tun tuma beihpui thlak leh turah hian hridanna a la tur tak ten an lak vek theihna tur leh a hlauhawm lohzia inzirtirna uar zawka kalpui nise tih a ni bawk.

Meeting-ah hian committee members te an tel a ni.

Attachment

• Loading attachment...