Impulse NGO Network leh Anti-Human Trafficking Unit, Mizoram Police tangkawp chuan ramri kana mihring
hmanga sumdawnna do dan tur leh hmalak ho dan tur ‘Consultation on Impulse Case Info Centre Software building linkages between Service Providers, NGO’s and Human Trafficking Unit, Mizoram Police to assist Cross Border Human Trafficking cases’ tih thupui hmangin zirhona Superintendent of Police, Aizawl Conference Hall ah an buatsaih a, Pu Thianghlima Pachuau, DGP Mizoram in a hawng.

He Consultation-ah hian Impulse Case Info Centre Software hmanga abikin Myanmar-a mihring hmanga sumdawnna (Human Trafficking) case hrang hrang te a dotu pawl ten an hmachhawn thiamtheihna atana an hriattur pawimawhte sawiho a ni a. He Software hi Impulse thawhpui ram hrang hrang Myanmar, Nepal leh Bangladesh bakah North East State a Anti-Human Trafficking Unit ten an hmang tangkai mek a ni.
Consultation hi NGO te, Rehabilitation Centre te, Shelter Home te leh Judiciary lam ten awlsam leh rang taka Human Trafficking case an hmachhawn theih nan leh thu pawimawh an inhrilhriat zung zung theihnana buatsaih a ni a. Consulation hian Mizoram a mihring hmanga sumdawnna tuartute enkawl hna thawktu pawl (service provider) hrang hrang ten mumal zawka an thawhho theihnana hmalak chu a tum a ni.

He Consultation-ah hian Pu Lallianmawia, SP CID (Crime), Mizoram chuan Mizoram Police in mihring hmanga sumdawnna dona kawnga hma a lo lak tawh dan leh hmachhawpte a sawi a. Impulse NGO Network atangin Ms.Hasina Kharbhih, Chair of Board; Ms.Emarind Kharbhih, Programme Manager leh Ms. Rosanna Lyngdoh, Board Member ten zirtirna an pe a ni. Consultation-ah hian Impulse NGO Network atangin officials mi 3, District hrang hrang atangin Mizoram Police mi 20, NGO atangin mi 9, Placement Agency hrang hrang atangin mi 8 leh Thomson Reuters Foundation atangin mi 2 an tel a ni.