Vawiin khan DC Conference Hall, Mamit-ah 3rd District Task Force on Immunization chu an Chairman leh District Bawrhsap ni bawk Pi Lalbiaksangi hovin an thukhawm.

Meeting-ah hian Dr.T.C Hmingthangi, District Immunization Officer leh DTFI Member Secretary ni bawk chuan Mamit District chhunga hri danna an pekchhuah tawh dan chungchang leh an pek leh dan tur bakah an hlawhtlinna hmuh tawh dan chungchang report pein, 2nd District Task Force on Immunization meeting thlirletna neih nghal a ni bawk.

Measles Rubella (MR) Campaign chungchang ngaihtuah niin Dr. Shrikant Supekar, WHO Consultant hnen atangin Power point Presentation hmangin hmalak dan tur hrang hrang leh kalpui dan tur ngaihtuahho a ni.

Measles Rubella hi January Ni 18, 2018 atangin naupang thla 9 mi leh Kum 15 inkarte  pek vek tura ruahman niin karkhatnaah Zirna In hrang hrangah pekchhuah tura ruahman a ni a, a karhnihnaah Sub Centre leh Anganwadi-ah, a karthumnaah Mobile Team-in hri danna hi an sem kual leh anga, a karlina-ah tih hmaih palh awm theite vaikualin Sweeping Activity neih leh tura ruahman a ni. Measles hri danna la tawhte pawhin la leh vek tura ruahmanna siam a ni bawk.

Vawiin Meeting-ah hian Immunization chak zawk leh tha taka kalpui anih theih nan Immunization inzirtirna chu Bru tawng leh Chakma tawnga lehlin tura Meeting hmasain a lo rel tawh chu peihfel tawh a nih thu tarlan a ni a. Block tinah Block Task Force on Immunization din tura Meeting hmasain a lo rel tawh pawh hmalakna kalpui mek zel a nih thu tarlan a ni bawk.

Vawiin Meeting hi CMO Mamit, DMS Mamit, DEO Mamit, DPC, SSA Mission, Mamit, DIPRO Mamit, President, Jt.VC Mamit, President Sub-Hqrs, MHIP, Mamit leh NKY, Mamit atangte in an tel a ni.