1915/2022-2023
Kolasib dated 14th September 2022: Vawiin chawhma khan DC Office tualzawl ah 9th Mizoram State Anti Tobacco Day pualin Anti-Tobacco Squad, Kolasib district hmalaknaa vaihlo leh a kaihnawih man te tih ralna hun hman a ni a. Pu John LT Sanga, Deputy Commissioner chuan he hun hi kaihruaiin Foreign Cigarette carton 1073 leh Sikhar bawm 726 hal ral a ni.

Dr. C.Vanlalhlimpuia, Secretary, Anti-Tobacco Squad chuan an hmalak dan tlangpuite tarlangin April 2021 atanga vawiin thleng khan Awareness Campaign vawi 11 buatsaih a nih thu te, Training tum 9 neih a nih thu leh ATS drive vawi 87 kalpuinaah dan bawhchhia mi 43 man an nih thu a sawi a. April 2021 atanga August 2022 thleng khan vaihlo nghei duh, Tobacco Cessation Clinic pantu mi 312 an awm thu leh heng zinga mi za zel a 8.97 te chuan an nghei phah thu a tarlang bawk a ni.

District Tobacco Control Cell, Kolasib district-te chuan thutkhawmna neiin mipui vantlang hman thin lirtheia Vaihlo hman khapna ngai pawimawh zual tur a hma lak te, School huam chhung a vaihlo leh a kaihhnawih hman a nih loh nana hma lak dan tur te, Vaihlo hman that loh zia uar zawk a zirtirna kalpui a nih theih nan Kohhran nena thawhho dan tur te leh Anti-Tobacco Squad kaltlanga hma lakna sawt zawk a awm theih nan member ruat belh dan tur te an sawiho a ni.