5/2026-2027

Lawngtlai, the 1st April, 2026 : Vawiin chawhnu dar 1:00PM khan Deputy Commissioner's Office Chamber, Lawngtlai ah Bawrhsap Pu Donny Lalruatsanga kaihhruaina in District Transformation Plan for Lawngtlai District thutkhawmna neih a ni.

Bawrhsap Pu Donny Lalruatsanga chuan kalkhawmte hnenah lawmthu a sawi a. Mizoram Sorkar in District tin Bawrhsapte District hmasawnna atana hmalakna tur atana a ruahman atangin kan plan siam te pawm in kan District tan Nuai 100 pek kan ni a, a sum pawh dawn anih tawh thu a sawi a ni. Administrative course atan Nuai 10 dah niin Works ah Nuai 90 dah anih thu a sawi bawk.

Hnathawh na tur plan awmsa ani a, Deputy Commissioner Office leh Concern department ten an kalpuk ang, contract ang a pek theih a ni lo tih a sawi bawk. Kan sum dawn te kan hmanthat leh thawh that dan a zirin nakum ah hmuh leh tur a nih thu a sawi.

Plan awmsa Installation of Road signage Lawngtlai Khawpui lunlai leh kawtthler a dah tur hi UD& PA, Department & LADC nen join spot identification neih nise tih a ni a, Farmgate Collection Unit/Hut at Phaikhang Zau Lawngtlai (KMMTTP) hi Horticulture department nena thawh tur ani. Computer set leina Lairam Nursing School tan a ruahmante, Medical Superintendent hnuai Mobile Medical Unit - Bolero Camper 4x4 Long Body Modified lei turte, X- Ray Building/ Room Sangau PHC sak turte, Public Garbage Disposal - TATA 610 SK Truck pahnih Sanitation Department, LADC tana lei turte, Lawngtlai khawpui chhunga Sikul tih changtlunna turte, CCTV & Studs Light Lawngtlai khawpui chhung a dah hi Police leh VC ten a dahna hmun tur te en fel nise tih a ni a, Model Village atana Chawnhu siam te a ni a, Plan te hi concern department leh VC ten ruahmanna leh verification neih nise, estimate te siam nise, JAM examtion leh tul hrang hrangte a chak thei ang bera buaipuiin, sum hmuh tawh a nih avangin a hma thei ang ber a hmalak, hnathawh tan nise tih a ni.

Vawiin thutkhawm ah hian District Plan ah hian Sorkar leh LADC Official, District Plan a   Department concern leh VC te an telkim hle a, Bawrhsap chuan lawmthu sawiin thutkhawm hi a khar a ni.