4/2026-2027

Lawngtlai, the 1st April, 2026: Vawiin chawhma dar 11:00AM khan DC's Conference Hall, Lawngtlai ah Bawrhsap Pu Donny Lalruatsanga kaihhruaina in NMBA hnuaia District Level Committee on Drug Free District thutkhawmna neih a ni.

Bawrhsap Pu Donny Lalruatsanga chuan Member kalkhawmte hnenah lawmthu a sawi a. Lawngtlai District hma kan sawn zel theih nan Village fai na kawnga inelna Bawrhsap Award kalpui zel a ni thu leh LADC leh Sorkar tangkawp in Lawngtlai Khawpui traffice felfai leh khawpui faina kawng a hmalak na atan 'Stand Up Lawngtlai' kalpui a nih tur leh Lawngtlai khawpui atana Project Pali(4) DPR ruahman a nih thu a sawi a ni. Bawrhsap chuan Lawngtlai District Drug free kan nih thei na atan Nasha Mukt Bharat Abhiyan(NMBA) hnuai ah Lawngtlai District Drug Free Committee din a nih thu sawiin, District Level, Block Level leh Village Level a hmalak anih tur thu a sawi bawk. Drug Free District kan nih ngei theih nan CYLA, VCs, NGOs leh Kohhran te theih tawp chhuahpui tur leh thawhpui turin a sawm nghal a ni.

District Bawrhsap Chairman na hnuai ah District Level Drug Free Committee hi Nasha Mukt Bharat Abhiyam hnuai a din niin Village-187 (LADC hnuaia Village- 99 leh CADC- hnuaia Village 88) a cover dawn a ni, hmalakna atana sum senso pawh NMBA atang a ni dawn a ni. Hmalakna tur atan ruahmanna siam niin District Level Drug Free Committee hnuai ah BDO kaihhruaina hnuai ah Block Level Drug Free Committee a awm ang a, Village Level ah VCP kaihhruaina hnuia ah Village Level Drug Free Committee din ani dawn a ni. Hemi in a tum ber chu Village Level a drug hmansualna tih reh leh tih bo a, kum naupangte drug hman sual laka venhim, Village Level a Drug do na kawnga tih chak, ruihhlo hman sualna avanga pawikhawihna (Crime) District a tih tlem leh NMBA hnuai a Certify Drug Free Village a puan hi a tum ber a ni. Block Level ah BDO te chu Verification Authority a ani ang a, Field Virification leh Monitoring Compliance an kutah a awm dawn ani. Ni 10 April, 2026 hian District District Level Drug free khuhhawnna neih nise tih rel a ni a, hemi hma hian Khawpui chhung bikah Village Level Drug Free Committee din nise tih a ni a, Ni 20 April, 2026 hma in Village Level Drug Free Committee din vek nise tih a ni bawk. Drug Free Village puan tur khua/veng te hian ni sawmkua (90 Days) chhunga an veng/khua drug hmansual leh zawrh kawng ah an fihlim a a ngai dawn a, District Level Drug Free Committee lam atangin Format te siam in, endik a nih a nih dawn avangin July 20, 2026 hma in District Level Drug Free Committee ah Village Level Drug Free Committee ten Drug Free an nihna an thehlut tur a ni. Independance Day ah Drug Free Village te puan a ni ang. Awareness Programme- Sangau Block & Bungtlang South Block ah kalpui tum nise tih a ni bawk.

Vawiin thutkhawm ah hian District Level Drug Free District memberte an telkim tha hle a, Bawrhsap chuan lawmthu sawiin thutkhawm hi a khar a ni.