973/2026-2027

Siaha the 12th June 2026: Siaha District Transport Officer Pu Vabeimozachhi Chozah chuan a hnuai tarlan ang hian puipunna leh lirthei chhunga meizial zuk khapna thupek chungchanga mipui hriattur a chhuah.

Kan hriat theuh angin lirthei chhunga meizuk hi a zu-tu mai bakah a chuang ve dangte hriselna tan pawh a him lo hle a, hemi avang hian kan ram dan hrang hrangah pawh lirthei chhunga meizuk khapna hi khauh taka hman a ni. Sub - Rule(b) of Rule 23 of the Mizoram Motor Vehicles Rules, 1996 in a sawi angin lirthei (Public Service Vehicle) chhunga meizial zuk hi khap tlat a ni a, hetianga ti luite chu dan anga hremna pek theih an ni. Public Service Vehicle (Bus, Maxicab, Taxi, Auto-Rickshaw etc) stand leh service lai emaw, puipunna hmun (Public Place) a mei zu emaw chu COTPA Section 21 hmangin Rs.200 thleng chawi tir theih an ni.

The Pröhibitatiön of Smöking in Püblic Places Rüles, 2008 hnuaia Rüle 3 chuan vantlang hmun (Public Place) neitu/enkawltu (Proprietor, Manager, Supervisor leh In-Charge) zawng zawng ten an thu neihna chhung vantlang hmun (Public Place) reng rengah meizuk khap a nih bakah meizial lam chi reng reng engmah chhawpchhuah lo tur a ni.

Tin, Secretary, STA in public vehicle a "No Smoking Sticker" tar chungchang thu a chhuah angin a hnuaia number tarlanahte hian dan bawhchhia-te chu a complain theih/tur a ni.

1. Vanlalrema (MVI) DTO(S) - 8731885169

2. MS Dawngliana (EI DTO(S) - 8256901687

3. James Remruata (ESI) DTO(S) - 9612790225