Vawiin chawhma dar 10:30 khan Circuit House Conference Hall, Lunglei ah Pu C.L. Ruala, MP (Lok shaba) Chairman, District Vigilance & Monitoring Committee Lunglei District Lunglei hnuaiah an thukhawm.

He Meeting-ah hian Lunglei West Bialtu Dr. R. Lalthangliana, MLA pawh telin meeting hi Member Secretary, Pi M. Zohmingthangi, IAS, DC Lunglei kaihhruaina hnuaiah neih a ni. Department hrang hrang kaltlanga Central Sponsored Scheme hnuaia hmalak tawh leh hmachhawpte thlir letna neih a ni. RGGVY hnuai a Lunglei District Thingtlang khua 164 ah 99% electric eng pek tawh niin, khaw 40 ah hma lak mek a ni a, khaw pakua hmachhawp mek a ni bawk. Heng hnathawktute hi company an ni in an hmalak dan leh hmalak mek ah te duh khawp an nih loh thu tarlan niin, heng te ah hian Pu Ruala chuan a tul ang a hmalak a tum thu a sawi a, PMGSY hnuaia kawnglaih/ zawh hna pawh chak tak a thawh a nih rual in hnathawktu ( Contractor) te harsatna ber chu an duh khawp diesel awm lo chuan hnathawh a ti chaklo tih sawilan chu Pu Ruala chuan a tul ang a bawh zui a tiam bawk. PHE Department kaltlanga NRWDP leh TSE hnuaia hnathawhte leh Medical kaltlanga NRHM hnuai a hnathawhte tarlan a ni in, an hnathawh leh hmalak mek te Pu Ruala chuan tha a tiin lawm thu a sawi bawk a ni. Social Welfare Department kaltlanga Tar chawmna te, IGWP, IGDP te tan Fund allocation a tlem avanga dil belh nise a ti a ni.

Soil & Water Conservation kaltlanga IWLP hnuaia hmalaknate pawh tha tih a ni bawk, DRDA kaltlang a PMGSY, IAY, SGSY leh MGNREGA hnuaia hnathawh leh hmachhawpte pawh chipchiar taka tarlan niin PD DRDA Lunglei chuan MGNREGA hnuaia hnathawh bikah Ministry, RD ah progress report kan pek that avangin District dang zawng aiin sum pawh min rawn pe tam bik a ni tih sawiin, an in pekna ah Pu Ruala chuan lawmthu a sawi bawk a ni.

Pu CL Ruala MP (Lok Sabha) Chairman chuan member kalkhawmte hnenah Sawrkar kut leh ke mirethei te leh chanhai te khaichhuak tur a hmalatu tak takte in ni a, hlemhletna tel lova rinawm tak a in thawh chuan mipui leh ram in a chhawr dawn a ni tiin, in kutah mirethei te leh ram dinchhuahna tur thui tak in keng a ni tiin member kalkhawm te chu a fuih bawk a ni.

Pu P. Lalhmangaihzuala, President Sub HQRS YMA Lunglei leh Pu Joseph Thanzuala AMFU Lunglei te pawh he committee ah hian an tel a ni.