Vawiin chawhma dar 10AM khan DC’s Conference Hall-ah Saiha District Vigilance & Monitoring Committee Member te an thukhawm. Meeting hi DVMC Chairman Pu C.L. Ruala, MP(Lok Sabha) leh DVMC Co- Chairman Pu Lalhmingliana, MP( Rajya Sabha) ten an kaihruai a ni.

He Meeting-ah hian Centrally Sponsored Scheme (CSS) khawih Department hrang hrang ten an hmalak tawhna leh hmachhawp hrang hrangte tarlangin, an harsatna neih hrang hrangte pawh Committee ah hian an thlen bawk a ni.

Meeting-ah hian MP pahnih te chuan Saiha-a chhiatna thleng an tuarpui zia sawichhuakin, Chhiat tawkte chhawmdawlna hna chak taka kalpui a ni thei nan theihtawp an chhuah tur thu sawiin, chhawmdawlna hna chak taka thawk tura committee din Task Force Committee hnen atangin an hmalak tawhna te zawtin, report kimchang Task Force committee Chairman Pu N.Chakhai hnen atangin an ngaithlak nghal a ni.

He meeting-ah hian Pu C.L. Ruala chuan MP Fund atangin Medical Department tan Pick-Up 4 wheel cheng Nuai 6.1 senga a lei sak thu a sawi lang.

DRDA Department Report-ah chuan MGNREGS hnuaiah state matching share release tlai thin thu tarlan a ni a, BRGF fund pawh State sawrkar atanga dawn tlai avanga a hun taka hnathawh tan theih a nih loh thin thu hriat a nih bakah, Staff indaih lo thu tarlan a ni bawk. IAY dawngtu tur thlanna kawngah politics inrawlh thin chuan, a dawngtu tur ten an dawn hun a ti khawtlai phah fo thin sawichhuah a ni.

Power& Electricity report-ah chuan DVMC meeting hnuhnung ber leh tun inkarah RGGVY Scheme hnuaia hna thawhah hmasawnna reng reng hmu tur a awm loh thu hriat a ni.

PHED report-ah chuan Renewal & Augmentation of Greater Saiha Water Supply Scheme tan Ministry of Urban Development in cheng Nuai 2070.20 a pawm tawh thu leh Cheng Nuai 186.31 nikum February ni 17-ah an dawn tawh thu tarlan a ni a. State sawrkar atang erawh chuan Administrative & Expenditure tun thleng hian an la sanction loh thu hriat a ni. Tuipang & surrounding Villages Water supply scheme hna chu 30% thawh tawh a nih thu tarlan a ni bawk.

He Meeting-ah hian MP pahnih te bakah Pu S.Hiato, Minister PHE , Pu PP. Thawla, MLA,Pu S.Khipo CEM,MADC leh Concerned Department Head of Office te an tel kim hle a, Pu S.Hiato in lawmthu sawina in meeting hi a tin a ni.