Mizoram sorkar flagship programme, NLUP kalpui mek chu vawiin khan Chief Minister Office Conference Room-ah Chief Minister Pu Lal Thanhawla hovin chipchiar taka thlirletna, comprehensive sector wise review of NLUP neih a ni a. He NLUP Core Committee-ah hian NLUP beneficiaries ten eizawn nana hnathawh tur an thlan theuh te chu sector wise a sawihona an nei a ni.

Chief Minister chuan thuhma a sawiah, NLUP kalpui chu line department ten chak taka um a ngai a ni a ti a. A kalpuina ah fello a awm a thiang lo a ni tiin, official leh mawhphurhna nei ten NLUP sum hi kan it ve a thiang lova, a dawngtu diklo deuhte pawh a siam tha tu tur kan ni a ti. Chief Minister chuan Mizote chu inpawh tak hnam kan nih avangin, in hrechiang tak vek kan ni a, chuvangin NLUP a dik tawklo awm report an dawn te pawh enfiah zel a ni ang a ti. A tlangpuiin tuna NLUP kalpui dan chu tha thawkhata a hriat thu a sawi bawk a ni.

Core Committee ah hian NLUP hnuaia hnathawh tur chi hrang hrang thlante chu an dinhmunte, harsatna awm te leh a hlawhtlin ngei nana mamawh leh tul an tihte chu chipchiar taka sawiho a ni.

Attachment

  • Loading attachment...