Vawiin chawhma dar 11:30 khan Champhai DC Conference Hall-ah District Water and Sanitation Committee (DWSC) Pu Vijay Kumar Bidhuri, District Bawrhsap, DSCW Chairman nibawk kaihhruai na in neih a ni.

District Bawrhsap chuan sanitation leh mimal leh vantlang ekin chungchanga Champhai District a hmalak dan sawihawnna a neih hnuin Pu K. Zohmingliana, EE, PHE in hemi chungchanga hmalak tawh dan leh hmalak mek dan a sawi bawk. Tun dinhmunah chuan Champhai District chhungah BPL ekin sanction zingah 6157 sem zawh tawh a ni a. Champhai District chu tun dinhmunah ekin nei vek tawh (open defication free) anga ngaih a ni.

Anganwadi toilet 99 sakna tur sanction pawh CDPO kaltlangin centre co-ordination committee tinte sa nghal tura hriattir an ni. Vantlang inthiarna (Community Sanitary Complex) pawh 37 sak zawh tawh niin, 1 (pakhat) sak mek a awm a, tui tamna khua leh tha taka enkawl zui thei ngei tur hnenah sak tir zel tum a ni. Solid & Liquid Waste Management Component atangin faina lama hma la tha khua ni a hriatte hnenah bawlhhlawh bawm leh vantlang bawlhhlawh paihna/halna siam a hmalak a ni. Khaw 5 ah hetiang hian hmalak tawh a ni a, VC leh NGO te nena inrawn in hmalak zel a ni ang.

Tun dinhmunah Champhai District chu TSC hnuaia ekin siam hna zawh thawkhat tawh a nih avangin online report tih fel hunah khawtin in khawfai lawmman (NGP) an dawn theih beisei a ni.

Committee chuan District khaw fai ber nih tuma hmalakna turah point hrang hrangte an sawi hova, tun thla thum chhung ngeia ekin neih a tulna tlangaupui bakah ekin awm loh avanga natna hrang hrang awm theih dan uar taka mipuite hriattir a tul thu an sawi.