Vawiin khan Pu R. Selthuama, MLA, Chairman NLUP Implementing Board hovin a office chamber ah NLUP Line Department Officers te nen NLUP hnathawh mek dan leh kalpui mek dan sawiho a ni a.

NLUP Line Department hrang hrang ten an hmalak dan leh harsatna an neih te chipchiar takin report an pe a, a tlangpuiin NLUP kalpui mekah Department ten an ti tha thawkhatin hlawhtlinna duhawm tak an hmu chho mek tih hriat a ni.

Industries Department hnuaia Auto Rickshaw trade thlangtute hnena pek tur Auto Rickshaw 40 (sawmli) pawh lo thleng fel tawhin karleh chhung ngeia pek chhuah tura ruahman a ni bawk. NLUP Line Department te hian kum 2011-2012 a sem tur sum pawh sanction an hmuhfel vek tawh thu report an pe a, tun atanga reilo te ah hian beneficiaries te hnenah semchhuah turin ruahmanna fel tak an siam tawh thu ngaihthlak a ni bawk.

2nd Phase a chhungkua 45,000 NLUP hnuaia tanpui tur te kalpui dan tur pawh uluk taka sawiho a ni a, 1st phase aia changtlung leh felfai zawk a kalpui turin ruahmanna siam mek a ni.

Deputy Commissioner hrang hrang te hnen atangin 2nd phase dawng tur list ni 25.1.2012 aia tlai lovah hmuh kim beisei a ni a, hmuh kim a nih veleh la kalpui dan tur sawiho leh nise ti a rel a ni. 2nd Phase a leilung behchhan trade thlangtute tan lovahna tur sum a rang thei ang bera pekchhuah theih tura ruahmanna siam nghal tura rel a ni bawk.