Vawiin khan I & PR Auditorium-ah Nehru Yuva Kendra (NYK) Aizawl chuan Aizawl District huamchhunga NYK hnuaia affiliated Youth Club-te tan District Youth Covention 2013 – 14 an buatsaih a, Director, Sports & Youth Services Pu Lalzirmawia Chhangte’n he hun hi a hmanpui a ni.

Programme-ah Pu Raj Kumar Joshi, District Youth Coordinator, NYK Aizawl chuan inlawmna thuchah a sawi a, Pu Johny Ngurthansanga, 2012 World Muay Thai Championship-a Bronze Medallist leh NYK State Youth Awardee 2011chuan thalai kalkhawmte hnenah fuihna thu a sawi. Thalai kalkhawmte hnenah AIDS lakah inven a tul zia leh zuk leh hmuam a that loh zia hemi chungchang inhrilhhriatna leh hriatzauna programme chu Mizoram State AIDS Control Society leh Mizoram State Tobacco Control Society te chuan an nei a ni.

He hunah hian NYK hnuaia affiliated Youth Club-te hnenah infiamna bungrua pe a ni bawk.