Nehru Yuva Kendra (NYK) Mamit District, chuan vawiin Dt 9th September 2015 Dar 11:00 am hian I&PR Conference Hall, Mamit ah Convention an hmang. Pu Malsawmtluanga MCS, Election Officer, Mamit District chuan khuallian niin a hmanpui.

Thalai te intawhkhawmna hmanpuitu Pu Malsawmtluanga chuan India ram a thalai intelkhawmna pawl lian tak NYK hian khua leh tui tha ni tura thalaite kaihhruai leh Sport leh thil dang dangah te hman tlaka siam chu a thil tum ber a nih thu a sawi. Thalai rualte chu Zuk leh hmuam leh ruihlo dangah lakah te fihlim a, kan thil thlir dan siam danglama, hmasawn tumna rilru leh hmabak thlir chunga kal turin a chah a ni. Mizotena kan la hriat fuhlo chu pawl kan din a, hlawkna hmuh nghal kan tum thin, hei hi nilovin rim tak leh taima taka thawh hnua hlawhtlinna hi a hlu zawk a ni tih kan hriat thar a pawimawi a ni a ti bawk. Pu Sh Raj Kumar Joshi, DYC, NYK, Mamit pawhin thusawiin NYK kalphung leh thil tum te sawiin chhawr tlaka thalai te kaihruai turin nasa taka hmalak thin a nih thu a sawi a, NYK Scheme hnuaiah hian training Scheme hrang hrang neih thin a nih thu a sawi bawk.

He hunah hian NYK , Mamit District hnuaia in ziak lut Sport club hrang hrang 17 te hnenah Sports Material pek an ni. NYK Mamit District hnuaiah hian Block 4 (pali) an awm a ni.

Vawiin Convention hmanna na-ah hian Mamit District hnuaia Sport club hrang hrang atangin mi 100 chuang an tel a ni