No.5110/2020-2021

Mamit 15th Sept, 2020 : Vawiin khan DC Conference Hall Mamit-ah Dr.Lalrozama IAS Chairman, DLTF /District Bawrhsap hovin District Level Task Force On Covid - 19 thutkhawm a ni.

Vawiin Meeting-ah hian mipui te Covid-19 laka kan him theihnana hmalak dan tur sawiho a ni a, Meeting-ah hian CMO, Mamit te'n contact tracing atana Standard Operating Procedure (SOP) an duante thlirho niin a hnuaia mi ang hian District mipuite zawm tur duan zui nghal a ni.

1. Covid- 19 Positive Primary Contact- an awmin chanchin kimchang Health Department-ah emaw mahni bialtu Medical Officer theuh te hnenah in report nghal vek tur a tih an ni a. Mahni inkhunghran nghal tur a ni.

2. Primary Contact-te chenna leh Contact Verification tih zawhin a kalna leh midang a contact chhui chhunzawm tur a ni a. Health Department, Police leh VLTF ten a tul angin hma an la ang.

3. Secondary Contact-te mahni inah lo inkhunghrang phawt tura tih an ni a. Inkhunghran lai hian VLTF leh Health Department te'n an vil chhunzawm anga. Home Quarantine an ni tih hi an kawngka-ah an tar tur a ni.

4. Covid-19 Positive Primary Contact chu a tul dan a zirin Contact an nih atanga ni 5 hnuah Rapid Antigen / RT PCR Test tihsak tur an ni a. Secondary Contact-te chu Heath Department thawk tu te'n tul an tih dan a zir in hma an la chhunzawm ang.

5. Contact Tracing enzui kawngah felfai zawka tih a nih theihnan atul dan azirin District Bawrhsap-in Containment Area ah a puang ang.

6. Mamit District chhungah District Magistrate thu lovin Lockdown emaw Containment Area puanloh tur a ni a. Mizoram Sawrkar thuchhuak zulzuiin, hri dona kawng a hmalakna kalpui thin tur ani ang.

Meeting-ah hian Covid 19 Contact Tracing kaihhnawih tluang taka Tracing kalpui a nih theih nan Department hrang hrang aiawh atang Nodal Officer hetiang hian inruat a ni.

1. District Administration
Name : Victor Lalawmpuia
Contact No - 9436198916

2. SP Mamit
Name : Zoramthara
Contact No - 9862769884

3. DLAO
Name : Tlangruala
Contact No - 9436199949

4. Health Department
Name : Dr. Lalmuanawma Jongte
Contact No - 8837483802

Vawiin Meeting-ah hian Covid hri kaite enkawlna hmun tur Covid Care Centre (CCC) mamawh belh thula hman theih turin CMO Mamit chu a hmun tur lo enfel tur a ruat a ni bawk.

Meeting-ah hian CMO , DMS, Addl SP, DVO, DLAO, Sub. Headquarters YMA , Jt. VC Chairman te an tel a ni.



Attachment

  • Loading attachment...