No.5109/2020-2021

Vawiin khan Urban Development & Poverty Alleviation Department hnuaia Pradhan Mantri Awaas Yojana : Housing For All (Urban) Darlawn leh Sairang atanga in sak tanpuina dawng tur te tan Grounding and Sensitization Programme neih a ni a. He hun ah hian PMAY(U) hnuaia tanpuina dawng tur te tana Scheme kalhmang inhrilhhriatna hun neiin intiamkamna te ziah tir an ni a, UD&PA Directorate atangin officials ten zirtirna an pe a ni. 

PMAY (U) hnuaia insak tanpuina dawngtute hian a vaiin Rs.1,50,000/- an dawng dawn a, heng an pawisa dawn tur te hi installment thuma pekchhuah tur an ni a. Sairang ah hian Ministry of Housing and Urban Affairs (MoHUA) hnenah DPR 509 beneficiaries tan submit niin, beneficiary 501 tan sanction hmuh a ni a, Darlawnah hian beneficiary 425 tan DPR submit niin beneficiary mi 357 tan sanction hmuh tawh a ni.

Beneficiaries te  hi guidelin- in a phut anga training pek zawh an nih atang hian tun kar chhungin Grounding hi chhunzawm nghal tur a ni a, an hmalakna ang zela an insakte geotag a nih hnuah an pawisa dawn turte hi installment thuma pek tur an ni. PMAY (U) Grounding and Senstization Programme hi hun rei tak COVID leh VC Election neih tur avanga postpone a nih hnuah vawiinah hian neih a ni a, COVID-19 laka kan himna tura Sawrkarin a duan SOP zawm chungin  PMAY dawng tur beneficiaries te social distance an zawm theih nana ruahmanna siam a ni.

Attachment

  • Loading attachment...