Vawiin dar 2:00 PM  khan DM&R Office, Chawnpui ah  Disaster and Management  Department changtu Minister Pu Nihar Kanti Chakma chuan chhanchhuahna hmanrua chi hrang hrang 11 Sairang Police Outpost a kawl tur in Police Department hnenah a hlan. Heng chhanchhuahna hmanrua te hi Sairang leh a chhehvel a vanduaina tawk tu te chhan chhuah nan Sairang Police Outpost a thawkte, Sairang khaw mipui leh chhanchhuahna thawk tu te'n rikrum thil a chak zawka hma an lak theihna atan a ruahman a ni.

Vawiin  a chhanchhuahna hmanrua DM&R in Police Department hnena a hlan te chu:  1) Generator 2.5 KVA(Manual)-1 No, 2) Life Jacket - 4 Nos., 3) Torch Light(Under water) - 2 Nos., 4) Head Lamp( Under Water) - 2 Nos., 5) Rubber boat without OBM - 1 No., 6) Scoop Strecher - 1 No., 7) Stretcher - 2 Nos., 8) Rope (Nylon) - 200 Metres, 9) Surgical gloves - 300 pieces, 10) Scuba gear - 1 No., 11) Oxygen tank - 1 No.

Minister chuan ruling leh opposition ten lungrual taka hma an lakna avanga chhanchhuahna hmanraw changkang tak tak lo neih a ni ta chu lawmawm a ti a, uluk taka hman a nih phawt chuan a tangkai viau tur thu a sawi.Sawrkar chuan chhanchhuahna hmanrua te hi accident thlen tamna hmunah chuan dah vek aduh laiin sum lam ah harsatna a awm avangin tun dinhmunah a la tih puitlin theih loh a ni a ti. Sairang khaw mipui te  inpekna leh chhiat tawkte tanpuina kawnga an hnathawh te chu a entawn tlak takzet thu a sawi bawk. Heng chhanchhuahna hmanrua te hi a tangkai em avangin uluk taka enkawl zui  tur leh a hun taka hman a nih theih nan mawhphurhna latu te a chah nghal a ni. Heng chhhanchhuahna hmanrua a lo awm theihna tura  hmalatu leh bialtu MLA ni bawk Pu Lalduhawma chuan vawiin a semchhuah tak hmanraw changkang tak tak te chu tangkai taka hman a nih tur thu a sawi a. Sairang huam chhungah  accident a lo tam tak  avangin heng hmanrua te hi thil neih tul tak leh mipui ten an thlamuan pui tur thil a ni a ti. Sihhmui khaw mipui ten sawrkar hmalakna pui tur a Speed boat leina atana Vanapa Hall a Concert buatsaih an tum chu thlawp theuh turin mi thahnemngaite a ngen nghal.

Vawiin chhanchhuahna bungraw inhlanna programme hi DM&R Joint Director Pi Lalzarmawii in kaihruaia.  Chhanchhuahna bungrua te hi Police Department aiawh in Aizawl SP  Pu Lalbiakthanga'n a dawng a ni.

Attachment

  • Loading attachment...