2872/2025-2026

AIZAWL; the 12^th January,2026: Tukin khan DM& R Minister Prof.Lalnilawma chuan Kar kalta Zirtawp Ni tlailam dar 3:30 vela, Sihphir Neihbawih-a quarry min chu a hmunah kalin a enfiah. Chhiatna thleng chu pawi a ti thu leh chhiattawk te chhungkua leh sihphir khawtlang a tawrhpui thu sawiin, mi 2 a chhilh bo te lakchhuah tuma theitawp chhuaha thawktu Sihphir khawtlang, CYMA te bakah sawrkar department.QRTleh NDRF te chungah lawmthu a sawi bawk.

He quarry min hi sawrkar in a hriat ve leh ADDMA leh DM&R  official te, Quick Response Team(QRT) leh National Disaster Response Force(NDRF) te a hmunah a  tir nghal a. QRT leh NDRF te hi CYMA  leh Sihphir khawtlangin a tul ang angin an lo puibawm bawk. Mi 2 te  lakchhuah hnatawh mek hi DC office,  DM&R dept. leh Geology & Mining Dept. official ten a hmunah an vil reng bawk a ni.

He Quarry min hian mi 4 delin, Pu Muana (Manipur) chuan nunna  chanin;  hliam tuar mipa pakhat damdawi ina enkawl mek a ni a. Mi 2 te erawh quarry min hian chhilh bo vin, tun thleng hian  an la zawng hmu lova, heng mi 2 te hi Chakma leh Jharkhand state mi nia hriat an ni.

Prof.Lalnilawma chuan Sihphir khawtlang hruaitute hnenah thingpui lum nan leh mamawh a hman atan ₹ 10,000/- a hlan bawk.

Quarry min hi Home Minister Pu K.Sapdanga leh Forest Minister Pu Lalthansanga te pawhin lo tlawh tawhin, Sihphir khawtlang hruaitu te hnenah hian  thingpui lumna tur sumfai te pawh an lo hlan  tawh bawk a ni.