Aizawl Municipal Corporation (AMC) inthlannaa District Municipal Election Officer Dr Franklin Laltinkhuma, Aizawl DC ni bawk chuan inthlanna felfai leh tluang taka neih a ni chu lawmawm tiin vawiin chhun khan inthlan buaipuitu officials leh political party tin te chu ama office chamber ah thingpui inpuiin an tawiawmna ah lawmthu a hrilh. Political party aiawh lo kalte pawhin inthlanna buaipuitu Deputy Commissioner, Returning Officer, Election Officer leh officials ten tlin taka inthlanna an buaipuina zawng zawngah lawmawm an tih thu an tarlang ve bawk a ni.

Inthlanna hlawhtling taka kalpui a nih theih nan mipui nawlpuiin an hriat loh, media lamah pawh tarlan lem loh political party workers tlawmngai, election hlawhtlin nana election officials te thahnemngai taka thawhpui thin an awm a. Heng party workers tlawmngai te hi DC Office-in inthlan felfai leh thianghlim tak a awm theih nan emergency-in an ko ei thei reng a, Strong Room hawn emaw, EVM checking te thlengin DC Office hi an tawiawm tha thei hle a ni. Hetianga officials te kohna ngaipawimawha, theihtawp chhuaha an thawhpuina leh tawiawmna zawng zawngah Aizawl DC chuan heng mite hnenah hian tih tak zetin lawmthu a sawi a ni :-

1. Pi Lalhmingmawii Varte, INC

2. Pu Lalrinliana, INC

3. Pu Lalnunsanga, MNF

4. Pu Lalropuia Pachuau, MNF

5. Pu Thanseia, BJP

6. Pu R.Malsawmtluanga, ZNP

7. Pu C.Laltanpuia, MPC