1370/2026-2027

HRIATTIRNA

Dated Aizawl the 11th July, 2026 : Tuhnai ruah sur nasa leh fur in tan chho ah Aizawl District hmun hrang hrangah leimin, lung tla, retaining wall chim leh chhiatna thleng dangte a awm avangin Aizawl District mipui te chu fimkhur tur leh kan lo him tlan zawk nan ahnuaia tarlan te hi zawm theuh turin kan in ngenin kan in hriattir e.

Tin, veng/khaw tin a Village/Local Level Disaster Management Committee te pawh mahni veng/khua theuh a a tul anga hma la tura ngen leh hriattir kan ni e.

1. Lei min hlauhawm te ruahtui tlak lai a a tul anga khuh hul tur a ni.

2. In tinin tui luan kawr/tui chhe paihna mumal taka siamin tih fai tur a ni.

3. Septic tank/soak pit leak awm leh awm loh enfiahin, a lo awm anih chuan a rang lama thawmthat tur a ni.

4. Thing leh mau, thli leh ruah in a tih tluk mai theih, chenna in leh electric wire delh mai thei te chu a ram neituten Forest Department te berawnin kih/zar thlak an ti tur a ni.

5. Ruah sur nasat laiin tui hmun leh kawr hnaiah kal loh tur a ni.

6. Leimin/Lung tlak theihna zawna kawng hmangtu lirthei leh ke a kalte fimkhur tur a ni.

7. Sawrkar in "hmun him lo" a tih, kal tlang phalloh hmunah tumah kal tlang luih loh tur a ni.

8. Lungrem chim mai hlauhawm leh tui dawng tam zawna awmte leh a thlang kawng hmang tute fimkhur tur a ni.

9. Mimal ram chhung a leimin veng thei tur chi hnim te sam fail loh tur. Leimin ven nan mimal ram awl ah thing, a zung lei ti nghet thei chi te phun uar tur a ni.