Vawiin khan Disaster Management & Rehabilitation Department buatsaihin Gilead Special School ah Earthquake Mock Drill neih a ni.

Khuarel chhiatna hrang hrang a thlen hian a tuar nasa berte zing ami chu nunaute, tarte leh pianphunga rualbanlote hi an nih avangin National Disaster Management Authority (NDMA) pawhin State-tin ten anni venhimna kawnga hma an lak hi a ngaih pawimawh berte zing ami a ni tih a tarlang. Disaster Management & Rehabilitation Department, Mizoram pawh in pianphunga rualbanlote hmakhua ngaiin anni pual tan liau liau Disaster Management plan a siam sak a. Vawiin khan he special Disaster Management plan hi Gilead Special School-ah Mock Drill neia enchhin a ni.