Vawiin khan Disaster Management & Rehabilitation Department leh Central YMA hnuaia Disaster Management Sub-Committee tangkawpte chuan Diakkawn Community Hall-ah Kolasib YMA Sub Headquarters hnuaia YMA Branch hrang hrang aiawh kalkhawmte tan chhiatrupna a thlen thulha chet lak dan inhrilhriatna leh inzirtirna ‘Community Awareness Programme on Disaster Management’ tih chu an buatsaih.

Central YMA Vice President Pu Vanlalrema Rokhum chuan he programme hi hawngin DMR Department puihna in hetiang training programme buatsaih a ni chu lawmawm a tih thusawiin YMA member kalkawmte chu Disaster Mangement lamah hriatna leh thiamna nei tena an zirtirna chu uluk taka ngaithla tura chahin chhiatrupna a thlen thulha YMA tangkai dan leh mawhphurna te a tarlang a ni.

Vawiina he zirtirnaah hian Incident Management chungchang te, Fire Safety, Search and Rescue chungchang te, First Aid chungchang te, Non Structural Mitigation chungchangte leh Chhiatrupna a thlen a tih tur leh tih loh tur chungchangte zirhona neih a ni.

Central YMA hian hetiang zirtirna hi thla hmasa khan Mamit YMA Sub Headquarters tan an lo buatsaih tawh a. Tun thla chhung hian YMA Sub Headquarters dang pathum – Champhai, Serchhip leh Lunglei tan buatsaih an tum bawk a ni.