No.3060/2020-2020

Aizawl, the 14th July 2020: Vawiin chhun khan Pu Lalchamliana, Minister, DM&R chuan Aizawl Thakthing Veng a kham pang khi lai leh lung tla thin chu a hmunah tlawhin sawrkar department pawimawh hotu te leh Thakthing veng khawtlang hruaitute nen heti lai kham pang siam dan tur hi an thlir ho a ni.

Vawiina helai hmun an tlawhna ah hian Pu Lalchamliana chuan Thakthing kham siam that dan tur chungchang hi Chief Minister pawh a lo sawi pui tawhin hemi atana senso tur sum mamawh te chu ngaihtuah mek a ni tih a sawi a. DM & R bakah PWD te pawh in hma an lo lak tawhna leh phai lam Firm lian an lo dawr tawh dan te sawiin he kham siamna atana ruahmanna te chu department hrang hrang mithiamte leh khawtlang hruaitute nen an sawi ho a ni.

Thakthing kham pang, Kulikawn road chung, khi leh lung tla thin hi hun rei tak ata DM&R leh Aizawl DDMA ten hma la in chhiatna lian zawk thleng lo tura ven hna an lo thawk tawh thin a. Mithiamte rawn chunga hma lak chhunzawm zel niin, Project siama structure nghet leh kum hlun siam tura ruahmanna neih mek a ni a. DM&R leh PWD department hnuaia mithiam ten ruahmanna an lo siam tawh te chu ti puitling turin bawh zui mek a ni a. Mipui himna turin a leilung chhan him nan DDMA, Aizawl District chuan silpauline in helai hmun hi tunah chuan an khuh mek a ni.