Vawiin chawhma khan Disaster Management & Rehabilitation Department (DM&RD) buatsaih, karhnih awh tur, Traning of YMA volunteers on Disaster Response chu DM&RD Minister Pu C. Ngunlianchunga’n 5th Battalion IR hmunpui, Lungverh ah a hawng a. YMA member traning tura rawn inpe te hi an vain 54 an ni a, mipa 52 leh hmeichhia 2 niin 1st Battlion NDRA, Guwahati atang lokal mithiam ten chhanchhuah hna thawhdan kawng hrang hrang te an zirtir ang.

Disaster Response Training hawnna a thusawitu Minister Pu C.Ngunlianchunga chuan chhiat tawh chang apianga thawkchhuak hmasaber thin YMA leh tlawmngai pawl dangte tana Disaster response traning buatsaih a ni chu thil tihawm tak a nih thu a sawi a. YMA General Conference a agenda pawimawh tak‘chhiatrupna laka lo inven dan zirtirna hi thingtlang lamah neih ve a nih theih nan CYMA-in hma la rawh se’ tih nen pawh an inrem hle a ni a ti. Mizote thinlunga tlawmngaihna a awm chhung chuan YMA leh tlawmngai pawl dang te hi chhiatrupna lo thleng thei hunah pawh che chhuak hmasaber an ni zel dawn si a, an thiante zirtirna pethei tur YMA volunteer-te traning pek hi hlawhtlinna lian tak leh chhinchhiah tlak a nih thu a sawi a ni. Minister chuan lirnghing na ber thlen theihna hmun, Seismic zone-V a awm Mizoram ah hian Lirnghing nasa tak a thleng thei angem? tih aiin engtik nge a lo thlen ang tih? Tih chu mithiamte inzawhna ber a ni tawh zawk a ni a ti a. Khuarel chhiatna bakah changkanna leh hmasawnna ken tel mihring siam chawp chhiatna chi hrang hrang ah Mizoram hi a him tawk lo hle a, chhiatrupna a lo thlen tak pawha chiai lohna tur leh nunna chhanchhuah hna te rang taka kalpui a nih theih nan training tam zawk kan mamawha, mipui zirtirna pawh nasa zawka kalpui a ngai a ni a ti. Kan engineer leh architech thiam tak tak an awm nuk tawh laia rawn na chang kan hrelo te leh Thenawm state atanga lo lut cement mistiri kan ring zawk ringawt te pawh hi thil lungchhiat thlak tak leh insiam that kan ngaihna lai tak pawh a ni tel a ni a ti.

YMA Volunteer te training bul tanna programme buatsaih hi DM&RD Principal Secretary Pu P.C.Lallawmsanga in a kaihruai a. Training chhunga zirtur inkawhhmuhna hun NDRA Inspector Pu D.K.Pandey in CYMA aiawh in Dr. R.K. Chenkual in thusawina hun a hmang bawk a ni. Training na lo tel YMA Volunteer-te hian an zinna bakah an traning chhung zawng nitin DA an nei thei dawn a, nikhat a period 8 class neiin period 56 an nei dawn a ni. DM&RD hotute chuan traning an buatsaih apianga puih thin thu Home Department chungah an lawm thu an sawi a Mizoram Armed Police Battalion zawng zawng ah leh IR battalion tin ah te SDRF, sipai 100 zel awmna turin sawrkarin hma a lak mek thu an sawi a ni.